ABOOD ACHUKUA FOMU ZA KUWANIA UBUNGE MOROGORO MJINI!!

Aziz M. Abood ambaye ni mjumbe Halmashauri kuu ya CCM Morogoro Mjini (kushoto) akikabidhiwa fomu za kuomba kugombea ubunge katika jimbo hilo na Bw. Ali Issa Ali Katibu wa CCM Wilaya ya Morogoro Mjini katika ofisi kuu ya wilaya hiyo leo asubuhi.

Akihojiwa na waandishi wa habari mara baada ya kuchukua fomu hizo Mh. Abood amesema ameamua kwa moyo mmoja na kwamba yuko tayari kuwatumikia wananchi wa jimbo la Morogoro mjini iwapo watampa ridhaa ya kuwaongoza na kwasemea katikamasuala mbalimbali kama vile Elimu, Afya, Uchumi na jamii kwa ujumla.

Amesema yuko tayari kuwasaidia akina mama, watoto na wananchi kwa ujumla wenye matatizo mbalimbali hasa katika elimu na afya lakini, pia akasema yuko tayari kuwasaidia katika suala la kiuchumi kwa kuhakikisha wanapata mikopo rahisi kupitia SACCOS mbalimbali zilizopo kwa kufuata taratibu na kanuni za kifedha ili kuwajengea uwezo kiuchumi na kuboresha kipato cha wananchi.


Mwana CCM Aziz Mohamed Abood akisalimiana na mwana CCM mwenzie Zahara Kitima wakati walipokutana katika ofisi kuu ya CCM Wilaya Morogoro Mjini wakati wa zoezi la kuchukua fomu za kuomba kugombea ubunge katika jimbo hilo.

Bw. Aziz Mohamed Abood kulia na Zahara Kitima wa pili kutoka kushoto wakiwa katika picha ya pamoja na baadhi ya wanaccm waliowasindikiza wakati wa kuchukua fomu za kuwania ubunge Aziz Abood anawania ubunge jimbo la Morogoro Mjini na Zahara Kitima anawania ubunge kupitia UWT viti maalum morogoro mjini.