SIMBA YANASA KIFAA KUTOKA SAINT GEORGE YA ETHIOPIA!!

Mchezaji Patrick Ochang akikabidhiwa jezi yake yenye namba 10 mara baada ya kusaini mkataba wake na Timu ya Simba ya jijini Dar es salaam akitokea timu ya Saint George ya Ethiopia ambako alikuwa akicheza mpira wa kulipwa kabla ya kuja katika timu ya Simba.

Patrick Ochang mwenye miaka 24 na raia wa Uganda anacheza nafasi ya ushabuliaji na kiungo na viongozi wa simba walifanikiwa kumnasa baada ya kufuatilia uchezaji wake na kuridhika na kiwango cha mchezaji huyo na kwamba ni dhahiri kwamba ataisaidia sana timu hiyo katika mashindano ya kimataifa mwakani na ligi kuu ya Vodacom pia.

Wengene wanaoonekana katika picha ni Makamu Mwenyekiti wa Klabu ya Simba Geofrey Nyange Kaburu maarufu kama (Perez) aliyeko kushoto na kulia ni mmoja wa wanachama wa Simba kutoka Kundi la Friends of Simba Bw. Musleh mjumbe wa kamati ya usajili wakimkabidhi jezi mchezaji huyo.

Mchezaji Patrick Ochang akisaini Mkataba wake mara bada ya kukamilisha mazungumzo yake na viongozi wa Simba.

Makamu Mwenyekiti wa Simba Geofrey Nyange Kaburu akisaini Mkataba huo huku Musleh na Mchezaji Patrick Ochang wakishuhudia.

Mulamu Nghambi akisaini Mkataba wa mchezaji huo huku Musleh na Mchezaji Patrick Ochang akishuhudia.