MISS VALENTINE KUFANYIKA FEBRUARI 14 UKUMBI WA EQUATOR GRILL MTONI!!

Washiriki wa shindano la Miss Valentine linalotarajiwa kufanyika februari 14 /2010 kwenye ukumbi wa Equator Grill Mtoni kwa Azizi Ally wakiwa katika mazoezi makali jana jioni yanayoendelea kwenye ukumbi huo kila siku jioni. Mwandaaji wa shindano hilo Richard Yalomba aka 'Bob. Rich" ambaye ni Dansa wa siku nyingi amesema ameandaa shindano hilo ili kutoa burudani ya urembo katika siku hiyo ya (Valentine) maarufu Duniani kwa wapendanao, lakini pia akaongeza kuwa shindano hilo linaweza kuibua vipaji vipya vya urembo mwaka huu kwani mashindano mengi makubwa nchini bado hayajaanza na warembo hawa wanaweza kupata hamasa ya kushiriki kwenye mashindano makubwa mbalimbali yanayofanyika kila mwaka hapa nchini.
Mashindano makubwa ambayo yamekuwa yakifanyika nchini ni Miss Tanzania, Miss Universe, Miss Utalii na mambo mbalimbali ya kuonyesha mavazi yaani uanamitindo, Richard ama maarufu kama "Bob Rich". amesema anawakaribishwa watu wote wapenda sanaa ya urembo ili waje kushuhudia shindano hilo linalofanyika kwa mara ya kwanza Wilayani Temeke.