YANGA YAIGEUZIA MKUKI WA SUMU MANYEMA RANGERS!!

Beki wa Yanga, Shadrack Nsajigwa (kulia) akimkaba mshambuliaji wa Manyema, Ally Mohamed ‘Gaucho’.

Timu ya Yanga ya jijini Dar es salaam imeifunga timu nyepesi ya Manyema Rangers pia ya Dar es salaam magoli 3-1 katika mfurulizo wa michezo ya ligi kuu ya Vodacom inayoendelea katika viwanja mbalimbali hapa nchini.

Mchezo huo ulikuwa wa upande mmoja timu ya Yanga imekosa magoli mengi kutokana na mashambulizi iliyoyafanya kwenye goli la timu ya Manyema ingeweza kuibuka na ushindi mkubwa zaidi kama wachezaji wake wangetumia vyema nafasi walizozipata langoni mwa Manyema Rangers .

Magoli ya yanga yamefungwa na mchezaji wake machachari Mrisho Ngasa aliyefunga magoli mawili kwenye kipindi cha kwanza cha mchezo huo na kuongeza goli la tatu katika kipindi cha pili huku timu hiyo ikiendelea kulisakama lango la timu ya Manyema Rangers.

Manyema Rangers walijipatia goli la kufutia machozi katika kipindi cha pili lililofungwa na mchezaji wake Ally Mohamed hivyo kuzifanya timu hizo zitoke uwanjani kwa magoli 3 kwa timu ya Yanga na goli 1 kwa timu ya Manyema Rangers mara baada ya filimbi ya mwisho wa mchezo huo kupulizwa.