Muujiza baada ya uokozi Haiti kusimamishwa!!

Baada ya siku 11 tangu tetemeko la ardhi kusababisha maafa makubwa kisiwani Haiti wengi walipigwa na butwaa wakati mwanamume mmoja aliokolewa kwenye maporomoko ya hoteli moja mjini Port-au-Prince.
Awali serikali ya Haiti ilikata tamaa na rasmi kusimamisha juhudi zozote za kuwatafuta manusura.
Walioshuhudia walibubujikwa na furaha na kupiga makofi wakati Wismond Exantus mwenye umri wa miaka 24 aliponyanyuliwa kutoka kwa vifusi vya hoteli ya Napoli.
Aliwaambia waandishi wa habari kwamba kwa siku hizo zote alitegemea soda na vitafunio vidogo vidogo.
“Nilikuwa nitumia Coca-Cola na vitu vingine vidogo vidogo,” alisimulia Exantus.
“Kila siku nilikuwa na matumaini ya kwamba nitanusurika.”
Waokozi kutoka Ugiriki, Ufaransa na Marekani walitumia zaidi ya saa mbili unusu wakijaribu kumwokoa.
Mmoja wao kutoka Ufaransa, Luteni Kanali Christophe Renou alitaja tukio hilo kama “muujiza”. http://www.bbcswahili.com/