Mkurugenzi Mtendaji wa Vodacom Tanzania Dietlof Mare(katikati) akizungumza na Waandishi wa habari leo asubuhi kabla ya uzinduzi wa kampeni ijulikanayo kama Vodafone Red Alert,inayoendeshwa na kampuni ya Vodacom Tanzania.Kampeni hiyo inalenga kuwahamasisha wateja wa Vodacom kuwachangia Watanzania waliopatwa na maafa kwa kutuma neno MAAFA kwenda namba 15599,kila ujumbe mmoja utatozwa shilingi 250.alieyakaa kushoto ni Mkurugenzi wa Idara ya Maafa Ofisi ya Waziri Mkuu Meja Jenerali mstaafu Bakari Shabani na kulia ni Mkurugenzi wa Uhusiano wa Vodacom Tanzania Mwamvita Makamba
Mkurugenzi wa Idara ya Maafa Ofisi ya Waziri Mkuu Meja Jenerali mstaafu Bakari Shaban, akiwa katika picha ya pamoja na wafanyakazi wa Kampuni ya simu za mkononi ya Vodacom wanaohusika waliojitolea kusaidia jamii wakati wa maafa, Voda Heroes wakiwa katika uzinduzi wa kampeni ya kusaidia wahanga wa maafa mbalimbali hapa nchini. Vodacom Tanzania imezindua kampeni ya kusaidia waliofikwa na maafa, na kupitia kampeni hiyo, wateja wa Vodacom sasa wanaweza kutoa michango yao kwa wahanga wa majanga hayo.
Akizindua kampeni hiyo leo asubuhi , Mkurugenzi Mtendaji wa Vodacom, Bw Dietlof Mare alisema kampeni hiyo ni muhimu katika kuyarejesha katika hali ya kawaida maisha ya Watanzania walioathiriwa na maafa katika sehemu mbalimbali za nchi.
Aliwataka wateja wa Vodacom na Watanzania kwa ujumla kujitokeza kwa wingi katika kampeni hiyo ili waweze kuwasaidia waathirika wa majanga hayo.
Ili kuwachangia wahanga, wateja wa Vodacom wanapaswa kutuma ujumbe wenye neno MAAFA au REDALERT kwenda namba 15599, na ujumbe huo wa mchango unagharimu Sh. 250 pamoja na VAT, mteja anaweza kutuma mara nyingi kadri awezavyo.
Kampeni itakuwa ni ya wiki moja kuanzia tarehe 24 Januari mpaka tarehe 1 Februari mwaka huu.
Alisisitiza kuwa bila ya ushirikiano wa wateja wapatao milioni saba wa Vodacom Tanzania zoezi hili halitafanikiwa na hivyo kuwaomba wateja wachangie kwa wingi mfuko huo kwa njia ya kutuma ujumbe mfupi.
Bw Mare alivishukuru vyombo vya habari nchini kwa kutoa ushirikiano wao kwenye kampeni hii na kuomba ushirikiano wa namna hiyo udumu kwa manufaa ya Watanzania.
Nae Mkurugenzi wa Kitengo cha Mfuko wa Maafa katika Ofisi ya Waziri Mkuu, Meja Jenerali Mstaafu Bakari Shabani, alipongeza Vodacom kwa kuanzisha kampeni hii na kuwataka watanzania kwa ujumla kuchangia mfuko huo.
Alisema kwamba siku zote panapotokea majanga mtu wa kwanza anayepaswa kujisaidia ni mwathirika mwenyewe kabla ya kungoja msaada kutoka nje.
Alitoa wito kwa makampuni mbalimbali hata kama siyo ya simu kuwasawaidia waathirika wa majanga hapa nchini.
“Nawapongeza Vodacom Tanzania kwa kuanzisha mpango huu wa kusaidia Watanzania wenzao, nayaomba makampuni mengine nayo yajitokeze,”
Mkurugenzi wa Uhusiano wa Vodacom alisema mpango huo wa Vodafone Red Alert uko katika nchi 27 ambazo kampuni ya Vidafone ipo.
“Hivyo wajibu wetu ni kuwawezesha kwa teknolojia Watanzania wenyewe waweze kuchangia,” alisema.
Alisema kila mara yatakapotokea majanga, basi Vodafone Red Alert itakuwa ya kwanza kuanzisha kampeni ya Watanzania kuchangi,”
Akizindua kampeni hiyo leo asubuhi , Mkurugenzi Mtendaji wa Vodacom, Bw Dietlof Mare alisema kampeni hiyo ni muhimu katika kuyarejesha katika hali ya kawaida maisha ya Watanzania walioathiriwa na maafa katika sehemu mbalimbali za nchi.
Aliwataka wateja wa Vodacom na Watanzania kwa ujumla kujitokeza kwa wingi katika kampeni hiyo ili waweze kuwasaidia waathirika wa majanga hayo.
Ili kuwachangia wahanga, wateja wa Vodacom wanapaswa kutuma ujumbe wenye neno MAAFA au REDALERT kwenda namba 15599, na ujumbe huo wa mchango unagharimu Sh. 250 pamoja na VAT, mteja anaweza kutuma mara nyingi kadri awezavyo.
Kampeni itakuwa ni ya wiki moja kuanzia tarehe 24 Januari mpaka tarehe 1 Februari mwaka huu.
Alisisitiza kuwa bila ya ushirikiano wa wateja wapatao milioni saba wa Vodacom Tanzania zoezi hili halitafanikiwa na hivyo kuwaomba wateja wachangie kwa wingi mfuko huo kwa njia ya kutuma ujumbe mfupi.
Bw Mare alivishukuru vyombo vya habari nchini kwa kutoa ushirikiano wao kwenye kampeni hii na kuomba ushirikiano wa namna hiyo udumu kwa manufaa ya Watanzania.
Nae Mkurugenzi wa Kitengo cha Mfuko wa Maafa katika Ofisi ya Waziri Mkuu, Meja Jenerali Mstaafu Bakari Shabani, alipongeza Vodacom kwa kuanzisha kampeni hii na kuwataka watanzania kwa ujumla kuchangia mfuko huo.
Alisema kwamba siku zote panapotokea majanga mtu wa kwanza anayepaswa kujisaidia ni mwathirika mwenyewe kabla ya kungoja msaada kutoka nje.
Alitoa wito kwa makampuni mbalimbali hata kama siyo ya simu kuwasawaidia waathirika wa majanga hapa nchini.
“Nawapongeza Vodacom Tanzania kwa kuanzisha mpango huu wa kusaidia Watanzania wenzao, nayaomba makampuni mengine nayo yajitokeze,”
Mkurugenzi wa Uhusiano wa Vodacom alisema mpango huo wa Vodafone Red Alert uko katika nchi 27 ambazo kampuni ya Vidafone ipo.
“Hivyo wajibu wetu ni kuwawezesha kwa teknolojia Watanzania wenyewe waweze kuchangia,” alisema.
Alisema kila mara yatakapotokea majanga, basi Vodafone Red Alert itakuwa ya kwanza kuanzisha kampeni ya Watanzania kuchangi,”
0 comments:
Post a Comment