VIDEO YA MSANII YANKY YATIKISA VITUO VYA CHANEL TEN,C2C NA DTV

Said Ramadhan aka Yanky.

Msanii Said Ramadhani aka Yanky ameibuka na singo yake mpya inayotamba katika vituo vya televisheni vya Chanel Ten, C2C na DTV inayokwenda kwa jina la Nimetokea Kumpenda ambayo ameiipua katika studio mpya kabisa jijini zilizoko Wilayani Temeke kule Kurasini, Studio hizo zinatambulika kwa jina la Mitaa Fulani chini ya Producer Jumbe.

Akizungumza jijini na Kamanda mpiganaji wa FULLSHANGWE msanii amesema katika singo hiyo amemshirikisha msanii chipukizi kabisa anayefahamika kwa jina la Bablee ambaye amefanaya kazi nzuri sana katika wimbo huo ambao ndiyo umeanza kusambazwa pia katika vituo mbalimbali vya redio hapa jijini Dar es salaam.

Msanii Yanky ameongeza kwamba mbali ya singo hiyo amerekodi pia nyimbo nyingine nyingi na huu ni muendelezo wa kurekodi albam ambayo itakuja hivi karibuni, amezitaja baadhi ya nyimbo hizo kuwa ni Nina bahati naye, Nimetulia, Uoga Umasikini,Ulikuwa Unabisha na wimbo mwingine ambao unaitwa Usimhofie ambao amemshirikisha mmoja wa washiriki wa Bongo Star Search mwaka jana anayeitwa Farid,

Haya kazi kwenu wadau wa muziki kusikiliza kazi ya kijana huyu ambaye ndiyo kwanza anaingia kwenye gemu la muziki wa kizazi kipya cha muziki wa Bongofleva na kupima uwezo wake katika fani ya muziki.