Mshindi wa shindano la Zaburi gospel Search 2009 kuibuka na mchuma wa milioni nane!!

Kampuni ya Flora Promotions ya jijini Mwanza imeaandaa shindano la kutafuta, kukuza na kuwezesha vipaji vya waimbaji wa muziki wa Injili liitwalo ZABURI GOSPEL SEARCH 2009, ili kueneza neno la mungu kupitia nyimbo.
Akizungumza mapema jana asubuhi na vyombo vya habari jijini Mwanza ndani ya ukumbi wa Nyumbani Hotel,Bi Flora Lauwo amesema kuwa kipindi hicho amekibuni yeye mwenyewe na amefuata taratibu zote za uendeshaji wa shindano hilo kupitia taasisi za sanaa hapa nchini.
“ Suala la zawadi liko wazi kabisa, ni kwamba mshindi wa kwanza atajinyakulia gari aina ya Vistar yenye thamani ya milioni nane,mshindi wa pili ataibuka na seti ya vyombo vya muziki vyenye thamani ya shilingi milioni moja na nusu kutoka kampuni ya Samila Mobile Sound,mshindi wa tatu atajinyakulia kitita cha shilingi laki moja,lakini pia mshindi wa kwanza mpaka tano watarekodiwa albamu moja moja na studio za Habari Maalum” alisema Flora.
Flora ambaye ndiye mkurugenzi wa kampuni ya Frola Promotions amesema kuwa,kwa mara ya kwanza mwaka 2009, kipindi cha ZABURI GOSPEL SEARCH kitaanzia kanda ya Ziwa kwa kutafuta washiriki kila mkoa na kuchukua waimbaji watano ambapo jumla watakuwa 20, “ washiriki hawa wataingia kambini kwanza,ili kuanza michuano itakayo rushwa kupitia tv na wananchi kuwapigia kura wakisaidiana na majaji kutafuta mwimbaji bora.”alisema Flora.
“ ZABURI GOSPEL SEARCH 2009 itakuwa na matamasha makubwa matatu moja litakuwa ni robo fainal litakalofanyika mkoani Shinyanga tar,25/12/2009 na nusu fainali itakuwa Musoma mkoani Mara tar,27.12.2009, na fainali yenyewe itafanyikia jijini Mwanza Januari 1 2010, siku ya mwaka mpya”alieleza Bi Flora..
Bi Flora alimaliza kwa kusema kuwa lengo lao ni kukuza na kuwezesha waimbaji wa muziki wa injili na kuwatangaza Kitaifa na Kimataifa, ili waweze kijipatia kipato na kufaidika kwa namna moja ama nyingine kama wasanii wengingine.