KIKAO CHA KAMATI YA UTENDAJI SIMBA CHASOGEZWA MBELE!

Mwenyekiti wa Simba Mzee Hassan Dalali kulia akiwa na mchezaji wa timu hiyo Mussa Hassan (Mgosi).

Kutokana na Sikukuu ya Eid el Hajj kikao cha kamati ya utendaji ya Timu ya Simba kilichokuwa kifanyike Novemba 28 /2009 , kimesogezwa mbele mpaka tarehe 29 Novemba/ 2009 saa 4.00 asubuhi.

Akiongea na FULLSHANGWE Afisa habari wa wekundu hao wa mtaa wa msimbazi Simba Sports Club Cliford Ndimbo amesema kikao hicho kitafanyika kwenye Hoteli ya Regency Park Mikocheni na Ajenda ya kikao hicho ikiwa ni uchaguzi mkuu unaotarajiwa kufanyika hapo baadae mwaka huu.

Wakati huohuo Ndimbo akizungumzia timu ya vijana ya klabu hiyo amesema mazoezi yanaendelea kwenye viwanja vya Kinesi Ubungo chini ya mwalimu wa timu ya Simba Mzambia Sir Patrich Phiri, amesema mwalimu Phiri atakiandaa kikosi hicho ili kukabiliana na timu pinzania katika mashindano ya timu za vijana kwa klabu ili kifikie malengo yaliyowekwa na wanasimba juu ya timu yao hiyo ya vijana yafikiwe.