Seneta wa jimbo la Oregon Jackie Winters amtembelea mama Salma Kikwete!!

Mke wa Rais Mama Salma Kikwete ambaye pia ni Mwenyekiti wa Taasisi ya Wanawake na Maendeleo (WAMA) (kulia) akimkabidhi zawadi ya mkeka Seneta wa Jimbo la Oregon Nchini Marekani Jackie Winters (katikati) wakati seneta huyo alipozitembelea ofisi za WAMA (leo) zilizopo Ikulu jijini Dar es Salaam ili kuona shughuli mbalimbali zinazofanywa na Taasisi hiyo.

Benjamin Sawe

Maelezo

Dar es Salaam

Mwenyekiti wa Taasisi ya Wanawake na maendeleo (WAMA) mama Salma Kikwete ameahidi kufanyakazi kwa ukaribu na Seneta wa jimbo la Oregon Jackie Winters kutoka Marekani ili kuendeleza mapambano dhidi ya manyanyaso kwa wanawake.

Mama Kikwete alisema hayo jana alipokutana na Seneta huyo ofisini kwake na kusema wanawake nchini wamekuwa wakikabiliana na changamoto mbalimbali zinazowakabili katika jamii.

Akizungumzia ziara yake Seneta huyo alisema amekuja nchini kufuatia mazungumzo yake na mama Kikwete yaliyofanyika mwaka jana katika mkutano wa Sullivan na kuahidi kushirikiana naye ili kuboresha maisha ya wanawake na watoto nchini.

Aidha Mama Kikwete alifafanua Seneta Wintesr pia amekuja kuangali changamoto zinazowakabili watoto wanaoishi kwenya mazingira magumu ikiwa ni pamoja na tatizo la elimu na upatikanaji wa maji.

Seneta Winters pia aliahidi kusaidiana na WAMA katika kukabiliana na tatizo la elimu kwa watoto wanaoishi katika mazingira magumu ikiwa ni pamoja na kuchimba visima vya maji katika maeneo mbalimbali nchini ili kuwapunguzia wanawake adha ya kutembea umbali mrefu

hapa nchini Seneta Winters atatembelea maeneo mbalimbali ya vituo vya kulelea watoto wanaoishi kwenye mazingira magumu ikiwa ni pamoja na kituo cha kikundi cha Yatima kilichopo mbagala jijini Dar es Salaam