WACHEZAJI WATATU WA SOKA KUFANYA MAJARIBIO VANCOVER YA CANADA!!

Said Tuli wakala wa FIFA nchini akiwa Ofisini kwake mara baada ya kuzungumza na FULLSHANGWE

Wakala wa FIFA Said Tuli amesema kampuni yake imeshafanya mazungumzo na timu ya Vancover White Caps ya Canada iliyokuwepo hapa nchini kwa ziara fupi ya kimichezo ili wachezaji wa hapa nyumbani wakafanye majaribio ya kucheza soka katika timu hiyo inayoshiriki ligi kuu ya Canada.

Akizungumza na Tovuti ya FULLSHANGWE wakala huyo amesema wachezaji ambao wanatarajia kwenda kufanya majaribio ni Nizar Khalfan kutoka Moro United, Canavaro kutoka Young Sports Club na Zahoro Pazi wa Mtibwa Sugar.

Tuli ameongeza kuwa kila kitu kimekwenda vizuri katika mazungumzo na timu hiyo na ni asilimia 90 wachezaji hao wataondoka hivyo kinachosubiriwa ni kutumiwa barua za mwaliko na tiketi za Ndege kwa ajili ya wachezaji hao kwenda nchini Canada katika majaribio hayo ya kucheza soka la kulipwa.

Ameongeza kuwa kwa sasa timu hiyo Vancover inakabiliwa na michezo ya ligi kuu ya nchi hiyo hivyo iko nje ya mji wa makazi yake lakini mara watakaporejea hapo watatuma barua ya mwaliko kwa wachezaji hao pamoja na tiketi tayari kwa safari.

Amemalizia kwa kusema kwa upande wa vilabu ambavyo wachezaji hawa wanatoka hapa nyumbai bado hawajafanya mazungumzo kwa kuwa wanasubiri barua za mwaliko na tiketi baada ya kupokea mwaliko huo ndipo watakaa na vilabu vyao pamoja na TFF kuzungumza hilo ili waruhusiwe kwenda kufanya majaribio huko