KUNDI LA TAARAB MALINDI KUFANYA MAMBO TRAVELTINE IJUMAA!!

Mmoja wa wanamuziki wa kundi la Malindi Nassor Amour akipiga chombo cha muziki huo aina ya (Ganoun) wakati walipoongea na wanahabari katika ukumbi wa idara ya habari maelezo jijini leo.

Kundi la muziki wa Taarab asilia kutoka Visiwa vya karafuu Zanzibar Malindi In Nardwan Safaa linatariwa kufanya onyesho katika Hoteli ya Traveltine Magomeni jijini siku ya ijumaa Tarehe 3 mwezi Aprili.

Katika onyesho hilo pia litakuwepo kundi maarufu la Taarab linalojulikana kama East African Melody watoto wa mjini katika kunogesha burudani hiyo ya kukata na shoka, pia mgeni mwaalikwa katika onyesho hilo atakuwa Shakila Said kutoka kundi la taarab la JKT ambaye aliwahi kuvuma sana na kundi hilo na mpaka sasa bado yuko fiti katika muziki huo wa Taarab.

Kiingilio katika onyesho hilo kimetengwa katika makundi matatu ambapo kitakuwa elfu 70.000, 20.000 na elfu 10.000, zawadi mbalimbali zitatolewa kwa wapenzi watakovaa vizuri na kupendeza ambayo iatakuwa shilingi 50.000 na zawadi zingine kemkem wapenzi wa taarab wote mnakaribishwa katika onyesho hilo ili mjionee taarabu asilia kutoka visiwa vya karafuu Zanzibar.