KAMATI YA MISS TANZANIA KUPELEKA MSIMAMIZI WA SHINDANO LA MISS TZ EUROPE 2009!!

Mkurugenzi wa Kamati ya Miss Tanzania Hashim Lundenga akiongea na wanahabari katika moja ya mikutano yake katika harakati za Miss Tanzania kushoto ni mkurugenzi wa Masoko Vodacom Efraim Mafuru.

Hawa ndiyo washindi waliopatikana mwaka jana katika shindano hilo.

Mukurugenzi wa kamati ya Miss Tanzania Bw. Hashim Lundenga amesema kamati yake inatarajia kupeleka msimamizi wa shindano la kumtafuta mrembo atakayewakilisha bara la Ulaya yaani MissTanzania Europe 2009 katika shindano kubwa la Miss Tanzania 2009 litakalofanyika hapo baadaye hapa nchini mara baada ya hatua za awali kukamilika.

Lundenga ameyasema hayo wakati alipoongea na Tovuti ya FULLSHANGWE kwa njia ya simu jijini Dar es alaam juu ya usimamizi wa shindano hilo linalotarajiwa kufanyika mwezi juni tarehe 27 katika mji wa Silverspoon kaskazini mwa jiji la London.

Lundenga ameongeza kuwa kwa sasa bado ni mapema kujua nani atakwenda kuwakilisha kamati ya Miss Tanzania, lakini wakati utakapokaribia kamati yake itakaa na kuamua nani aende kufanya kazi hiyo kutoka katika kamati hiyo, Miss Tanzania ndiyo wenye jukumu la kusimamia mashindano yote yanayotoa warembo wanaoingia katika fainali za kumtafuta Miss Tanzania na hatimaye mwakilishi wa nchi katika Shindano la dunia Miss World.