KUNDI LA TMK FAMILY KUFANYA ZIARA YA KUKATA NA SHOKA KUSINI!!

KR Mulla akikamua katika moja ya maonyesho ya Fiesta ambayo kundi hilo limefanya vitu vyake

Kundi la TMK wanaume Family litavamia mikoa ya kusini na kufanya ziara nzito ikiambatana na maonyesha kabambe katika kumbi mbalimbali za mikoa hiyo ya kusini huku likitembelea wagonjwa na vituo mbalimbali vya kijamii na kutoa misaada ya kibinadamu.

akizungumza na FULLSHANGWE kwa simu meneja wa kundi hilo Said Fella, amesema wataanza ziara yao mwezi huu ambapo watakuwa naonyesho Nachingwea katika ukumbi wa NIR 16 novemba watakuwa Ruangwa katika ukumbi wa Ngorongoro 17 watakuwa Liwale ukumbi wa Lena.

Ameongeza kuwa 21 watakuwa Lindi katika uwaja wa Ilulu 22 watakuwa Mtwara katika uwanja wa Nangwande na usiku watamaliza maonyesho yao kwa kufanya onyesho moja katika ukumbi wa Branty.

Ameongeza kuwa pia wanatarajia kutembelea wagonjwa katika Hospitali ya Sokoine mjini Lindi katika wodi ya wazazi na Mtwara watatembelea Shule ya Shangani na Shule ya I P School ambayo ni maalum kwa watoto wenye mtindio wa Ubongo lakini pia hawataishia hapo kwani watatembelea pia kambi ya wagonjwa wa macho iliyopo Masasi inayoitwa Mtandi na watatoa zawadi mbalimbali katika sehemu zote hizo watakazotembelea.

Fella amemaliza na kusema katika maonyesho yao watasindikizwa na wasanii kama Black Berry,Side Boy na wasanii wachanga wa huko wanaojiita Ndroom na watakaporejea Dar es alaam moja kwa moja wataanza maandalizi kwa ajili ya kushiriki katika Tuzo za kisima Award zinazotarajiwa kufanyika Jijini Nairobi nchini Kenya ambapo TMK imeingizwa katika mchuano huo mara mbili yaani kundi bora la mwaka la Afrika mashariki lakini pia wimbo bora wa mwaka ambao ni (Dar mpaka Moro)