MWANAMUZIKI LADY JAY DEE AFUNIKA MZALENDO PUB NA KUDHIHIRISHA UKOMANDOO WAKE KATIKA GEMU LA MUZIKI!!

Mwanamuziki Lady Jay Dee akiwalisha keki mashabiki wake wakati wa onesho lake la kutimiza miaka kumi katika gemu ya muziki kwa mafanikio makubwa, onesho limefanyika usiku wa kuamkia leo pale Mzalendo Pub na kukusanya mashabiki lukuki huku kukiwa na misururu mikubwa ya kununua tiketi, hata hivyo baadhi ya mashabiki walishindwa kuingia kutokana na uingi wa watu waliohudhuria onesho hilo.

Jay Dee alimshukuru Mungu, Wazazi wake Mumewe na Mashabiki wake ambao ndiyo hasa kwa kiasi kikubwa wamechangia yeye kufikia hapo alipofikia katika mafanikio yake kimuziki, katika onesho hilo aliwashirikisha wanamuziki Chegge wa TMK Family na TID wa Top Band ambao ameimba nao baadhi ya nyimbo zake alizozipiga katika onesho hilo, Hongera sana Lady Jay Dee umefunika ile mbaya.

Lady Jay Dee akipagawisha mashabiki wake kwenye onesho la kutimiza miaka kumi katika muziki onesho lililofurika mashabiki kama unavyoona mdau.

Top In Dar (TID) akifanya vitu vyake kwenye wimbo walioshirikiana na mwanamuziki Lady Jay Dee usiku wa kuamkia leo lilikuwa ni onesho la kufurahisha na lililofurika mashabiki kiasi kwamba hata wengine walishindwa kuingia kutokana na msongamano.

Mwanamuziki Chegge wa kundi la TMK Family kutoka Kimumeni Temeke akimpa shavu Lady Jay dee katika onyesho lake la kutimiza miaka kumia katika muziki usiku wa kuamkia leo kulia ni mwanamuziki Hessein Machozi.

Lady Jay Dee na kundi lake la Machozi Band wakifanya mambo makubwa jukwaani.

Mdau Jofrey Mwakibete wa Mo Blog mwenye fulana nyeusi naye akajichanganya pamoja na mashabiki katika kupata shangwe za mwanamuziki Jay Dee.

Melisa akipata hisia kali wakati mwanamuziki Lady Jay Dee alipokuwa akifanya mambo makubwa jukwaani usiku wa kuamkia leo kwenye onesho lake la kutimiza miaka kumi katika muziki lililofanyika kwenye ukumbi wa Mzalendo Pub jijini Dar es salaam nyuma ni lafiki yake Dark.

Kulia ni Eve Temu na Jaquiline Temu pamoja na marafiki zao walikuwepo Mzalendo Pub ili kushuhudia onesho kali na la kukata na shoka la Mwanadada Lady Jay Dee katika kutimiza miaka kumi kwenye fani ya muziki.

Mdau Jafari kushoto akishoo love na marafiki zake.

Watangazaji wa kipindi cha Powerbreakfasti kutoka redio Clouds Paul James mwenye kofia na Barbara Hassan wakiwa na marafiki zao kulia ni mdau Nick Magarinza aka "Nick Butt" nao walijimwaga mzalendo Pub usiku wa kuamkia leo.

Mdau Rangia kulia akiwa amepozi wakati onesho la Lady Jay Dee lililpokuwa likidendelea kwenye ukumbi wa Mzalendo Pub Jijini Dar usiku wa kuamkia leo, katikati ni Mama Hasheem Thabeet na kushoto ni mdau Dulla Makubelly wakifuatilia kwa karibu onesho hilo.

Mwigizaji wa Filamu Dr. Cheni na Maiwaifu wake Sabrina nao walimpiga tafu Lady Jay Dee usiku wa kuamkia leo.

Kutoka kushoto ni Gadiner G Habash, George Kavishe Meneja wa kinywaji cha Kilimanjaro Lager na maiwaifu wake.

Ankal wa Blogu ya Jamii na Shear Illusion wakipozi kwa picha.

Mashabiki wa Machozi Band wakijimwaga stejini.