Mohammed Dewji awaburuza wapinzania wake Singida mjini!!

Na Hirary Shoo Singida.

Katika kura za maoni kwa ajili ya kuchagua wawakilishi wa chama cha Mapinduzi katika kugombea ubunge na udiwani jimbo la Singida Mjini Mohammed Dewji anaongoza katika vituo 43 vya jimbo hilo akifuatiwa kwa mbali na mpinzania wake mama Hawa Ngulume katika matokeo ya awali.

Katika matokeo hayo ya awali inaonyesha Mohammed Dewji amepata kura 7997 katika vituo vyote 43 akifuatiwa na Hawa Ngulume ambaye amepata kura 391 na Mariam Msawira ambaye amepata kura 43.

kwa ushindi wa kura 7997 kwa Mohammed Dewji katika vituo 43 ni sawa na asilimia 95% wakati ushindi wa Hawa Ngulume wa kura 391 ni sawa na asilimia 4% na usahindi wa Mariam Msawira kura 43 ni sawa na asilimia 1%.

Habari zinapasha kuwa matokeo katika vituo vyote tayari yameshahesabiwa hata hivyo matokeo jumla ya uchaguzi huo wa wana CCM bado hayayajatangazwa rasmi na msimamizi wa uchaguzi huo.