Vodacom yazindua vocha ya shilingi 300.

Mtaalamu wa mambo ya habari wa Vodacom Tanzania Matina Nkurlu(kulia)akimkwangulia Omary Abdallah wa pili kutoka kulia vocha mpya ya shilingi 300“JITI TATU iliyozinduliwa leo tayari kwa matumizi ya mawasiliano,kushoto ni mfanyakazi wa Vodacom Adam Khamis.

Kampuni ya simu za mkononi ya Vodacom Tanzania leo imezindua vocha ya bei nafuu zaidi hapa nchini Jiti Tatu itakayouzwa kwa shilingi 300.

Wateja wa Vodacom wanaotumia huduma za simu za mtandao huo watanufaika na huduma hii ambayo itawawezesha kuongea kwa kiwango hicho cha fedha.

Akizungumza na Waandishi wa habari, Meneja Huduma na Bidhaa wa Vodacom Tanzania Elihuruma Ngowi alisema kwamba huduma ni muhimu kwa Watanzania wengi kwani itawawezesha kuwasiliana kwa bei nafuu zaidi.

“Tutaendelea kuwaletea kuwaletea wateja wetu bora na kwa bei nafuu ili kuwawezesha kuwasiliana kwa urahisi” alisema na kuongeza kwamba Vocha hizo zitapatikana kila kona ya chini yetu.

Alibainisha kwamba uzinduzi wa vocha hizo utakwenda sanjari na zoezi litakaloendeshwa na wafanyakazi wa Vodacom la kupita maeneo mbalimbali na kuwagawia wateja wa Vodacom Vocha hizo

Aliyataja baadhi ya Tanzania watapita ni Tandika Sokoni, Kariakoo, Mbagala na vituo mbalimbali vya vya mabasi.

“Kutokana na uwekezaji wetu katika huduma hii unaokwenda sanjari na ubora wa mtandao wetu, wateja wetu wataendelea kuunganishwa na kuboreshewa huduma zatu za mawasiliano” alisema na kuongeza kwamba Vodacom itaendelea kutoa huduma zake kwa bei nafuu.