Nigeria kuonana na Ghana nusu fainali!

Nigeria walifuzu kuingia nusu fainali ya kombe la mataifa barani Afrika baada ya kuishinda Zambia mabao 5-4 kupitia penalti.
Super Eagles wataonana na Ghana hapo Alhamis katika nusu fainali.
Nigeria na Zambia walipambana bila mmoja kuona lango la mwenzake mnamo kipindi cha kawaida na cha muda wa ziada.
Mchezaji mmoja wa Nigeria Onyekachi Apam alipewa kadi nyekundu kipindi cha ziada.
Vijana wa Super Eagles walivuta pumzi wakati kipa wao Vincent Enyeama aliokoa mkwaju wa penalti kutoka kwa Thomas Nyirenda.
“Ninamshukuru Mola. Ulikuwa mchezo mgumu,” alisema kipa wa Nigeria Enyeama.
“Zambia ni timu nzuri sana na ninaamini watafanya vyema mnamo siku za usoni.”