PRODUCER BENNY MWAMBA WA MPOAFRIKA AZIDI KUFANYA MAKUBWA!!

Producer Benny Mwamba akiwa ameshika Gitaa huku akifanya vitu vyake katika studio za Mpoafrika.

Producer Benny Mwamba kulia akiwa paomoja na msanii Abdallah Hassan aka (Nyasi)

Producer wa muziki wa kizazi kipya Bongofleva kutoka Studio ya Mpoafrika iliyopo Tandika Benny Mwamba ameendelea kuibua vipaji katika studio hiyo baada ya kuibua kipaji cha msanii Abdallah Hassan aka Nyasi ambaye kwa sasa anatamba na nyimbo yake ya Kumbuka katika vituo mbalimbali vya redio na Televisheni katika nchi za maziwa makuu.

Kijana huyo alirekodi wimbo wake huo katika studio hiyo katikati ya mwaka huu wakati aliporekodi albam yake yenye nyimbo kumi ambazo ni Nijimalize, Nieleze, Juma Story, Kumbuka wimbo ambao ndiyo umetokea kukubalika sana na mashabiki katika sehemu mbalimbali ndani na nje ya nchi nyimbo nyingine ni Mchanganyiko, Dude, Ndani ya Club, Niamini na Nijimalize Remix.

Benny Mwamba anasema kwamba msanii huyo ana kipaji kizuri sana cha uimbaji na alipomsikia ndipo aliona ni vizuri kama anaweza kufanya naye kazi ili kumtengenezea nyimbo zake kitu ambacho kilizaa matunda ambapo alifanikiwa kutoa moja ya nyimbo zake kama hii inayoitwa Kumbuka ambayo inafanya vyema sana katika redio mbalimbali katika nchi za maziwa makuu kama vile Kenya, Uganda, Burundi Zambia Malawi Comoro na sehemu nyingine.

Akizungumza na FULLSHANGWE msanii Nyasi aliyekutwa akirekodi nyimbo mpya katika studio hiyo amesema anafurahia kufanya kazi na Benny Mwamba kwani anamuelewa anataka nini lakini naye producer huyo anaelewa mimi nataka nini kwa hiyo inakuwa rahisi kutengeneza kitu kizuri.

Abdallah Hassan aka Nyasi anasema katika albam yake ya Nijimalize amerekodi nyimbo zinginea katika studio za Bongo Records, na Mandugu Digital na kwa sasa anarekodi nyimbo mpa kwenye studio ya Mpoafrika chini ya Producer Benny Mwamba ambazo ni Natamani, More Fire na Jela