MWIMBAJI DAVID ROBERT AZINDUA "THE BEST OF DAVID ROBERT" NA "ADUI YANGU" KWA MPIGO!!

Mkuu wa Wilaya ya Kinondoni Mh. Jordan Rugimbana akizindua rasmi Video ya The Best of David Robert na albam ya Adui Yangu ambayo ni mpya albam hizo zimeimbwa na mwimbaji wa muziki wa injili David Robert aliyeko kushoto pichani, wakati wa uzinduzi wa Albam hizo uliofanyika kwenye Hoteli ya Peacock Millenium jijini Dar es salaam usiku wa kuamkia leo,

Waimbaji wengi wa injili walihudhuria katika uzinduzi huo uliokuwa wa kukata na shoka kutokana na maadalizi yake kuwa katika kiwango cha hali ya juu, ilikuwa ni tofauti na uzinduzi wa waimbaji wengine ambao hukodisha kumbi na kuweka kiingilio,

Davidi Robert aliwaalika watu na kuwaandalia chakula huku wakipata faraja ya nyimbo za kuabudu na kusifu kutoka kwa waimbaji mbalimbali waliohudhuria katika uzinduzi huo na kutoka kwa David Robert mwenyewe, lilikuwa ni onyesho dogo lakini lililokuwa limekidhi viwango vya maonyesho,

Baada ya kumalizika kwa onysho hilo sikusikia malalamiko yoyote kutoka kwa mashabiki wa mwimbaji huyo kitu kinachoonyesha kuwa walijiridhisha kwa kile walichokipata kutoka kwa Gwiji huyo kijana wa muziki wa injili David Robert, FULLSHANGWE inamtakia kila mafanikio katika shughuli zake za kila siku mwimbaji huo na mungu amtangulie kwa kila jamba analolipanga.

David Robert akikamua katika staili tofauti ilikuwa faraja ya kweli kwa waliohudhuria katika uzinduzi huo.

David Robert kushoto akimkabidhi Video Dvd na Audio Cd mdau Raymond Kaduma wa East Gate Auto Parts, mara baada ya kununua albam hizo kwa jumla ya shilingi Milioni 1.5 katika uzinduzi wa albam hizo uliofanyika usiku wa kuamkia leo kwenye Hoteli ya Peacock Millenium jijini Dar es salaam, anayeshuhudia katikati ni Mkuu wa Wilaya ya Kinondoni Mh. Jordan Rugimbana aliyekuwa mgeni Rasmi katika uzinduzi huo.

Mdau Rodrick Mwambene na maiaifu wake wakipokea Video Dvd na Audio Cd zao walizonunua kutoka kwa mwanamuziki David Robert mara baada ya uzinduzi huo kushoto ni Mtangazaji wa Prise Power Radio Haris aliyekuwa msemachochote Mc wa shughuli hiyo.

Mkuu wa Wilaya ya Kinondoni Jordan Rugimbana pamoja na wachungaji mablimbali walioalikwa katika huduma ya mungu kwenye uzinduzi wa albam za mwanamuziki David Robert zinazoitwa The Best of David Robert na Adui Yangu wakiombea kazi za mwanamuziki huyo kabla ya kuzinduliwa rasmi na mkuu wa wilaya katika Hoteli ya Peacock Millenium usiku wa kuamkia leo.

Mkali mwingine wa kike katika nyimbo za kusifu na kuabudu, kwa mtu yeyote aliyemsikia Christine Shusho atakubali maneno yangu kuwa mwanamama huyu ana uwezo mkubwa katika aina ya uimbaji wake katika muziki wa injili, huyu naye aliwapa wageni waalikwa faraja ya moyo.

Wakali wengine wakikamua vilivyo hawa wanaitwa The Whispers Band kutoka SDA Mbezi bondeni nao walikuja kumpiga tafu David Robert katika uzinduzi wa Albam zake za Video na Audio ambazo zinaitwa The Best of David Robert na Adui yangu uzinduzi huo umefanyika usiku wa kuamkia leo katika hoteli ya Millenium Peacock jijini Dar es salaam.

Mkali mwingine katika nyimbo za injili na mtangazaji wa ITV na Radio One Godwin Gondwe naye alikuwepo kama unavyoona akihojiwa na Mtangazaji Anna Mwakasege wa kituo cha Televisheni cha TRENET.

David Robert kulia na Kwame wakipozi kwa picha mbele ya Camera ya FULLSHANGWE.

Wadau Nick But kulia na Rwaga wakishangweka kwa makofi wakati mkali David Robert alipokuwa akiwika jukwaani ukisikiliza nyimbo zake utaamini kama kweli jamaa anaweza kuimba nyimbo za kusifu na kuabudu na ana wito wa kumtumikia mungu.

Brother Jimmy Charels na mke wake Axia Jimmy wakiwa na mdau Rodrick Mwambene walikuwepo pia katika uzinduzi huo Millenium Peacock Makumbusho.

Hawa walishindwa kukaa kwenye viti vyao wakaamua kusimama wakati mkali huyo wa nyimbo za kuabudu alipokuwa akiimba jukwaani.

Wageni waalikwa wakifurahia uimbaji wa mwanamuziki David Robert wakati alipokuwa akiimba katika uzinduzi wa albam zake za Video inayoitwa The Best of David Robert na Adui yangu amayo ni mpya.