Miss kanda ya ziwa waanza kambi leo!!

Pichani ni Redds miss mwanza 2008/9 Miriam Gerald mara baada ya kuibuka na taji mwaka jana

Washiriki wa Miss Kanda ya Ziwa inayojumuisha mikoa ya Mara,Tabora,Shinyanga pamoja na Mwanza leo wameingia kambini rasmi kwa ajili ya kufanya mchakato mzima wa kuwapata warembo kadhaa watakaoibuka na taji la miss kanda ya ziwa na baadaye kuiwakilisha katika kinyang'anyiro cha ngazi ya Taifa.
Washiriki hao wapatao 14 wametinga kambini katika hotel ya Kitwima,jijini Mwanza huku wakionekana kuwa na shauku kubwa ya kuiwakilisha vyema kanda ya ziwa katika kinyang'anyiro cha ngazi ya taifa kitakachofanyika hapo baadaye mwaka huu.

Aliyekuwa mwaandaji wa Redds Miss Mwanza Bi.Flora Lauwo amesema kuwa mkoa wake umetoa warembo wengi kuliko mikoa mingine ya kanda ya ziwa tofauti na mwaka jana,hiyo ni kutokana na walivyokuwa wako fiti kila idara.
"Mwaka jana miss mwanza ilitoa washiriki watatu kushiriki Miss kanda ya ziwa,lakini safari hii Redds miss mwanza 2008 imetoa washiriki watano,ambao wote wako fiti,lakini mkoa wa Mara umetoa washiriki watatu,Tabora washiriki watatu,Shinyanga washiriki watatu,Na kutokana na vigezo vya warembo wetu si ajabu miss kanda ya ziwa akaibuka na taji la miss tanzania tena mwaka huu kama ilivyokuwa kwa Miss Mwanza 2007/8 Nasreem Karim ambaye ndiye anaelishikilia taji la Vodacom Miss Tanzania 2008/9"alimaliza kusema bi.Flora