SERENGETI YAIPIGA JEKI TASWA FC!!

Meneja Uhusiano waKampuni ya Bia Serengeti Breweries (SBL) Ted Mapunda akizungumza na waandishi wa habari kwenye mkutano uliofanyika kiwandani hapo leo asubuhi maeneo ya Chan'gombe wakati wa hafla ya kukabidhi vifaa vya michezo kwa Timu ya TASWA FC, ambavyo ni Jezi, Soksi na Mipira Miwili, TASWA FC inatarajia kwenda Arusha hivi karibuni kwa ajili ya kushiriki mabonanza mbalimbali mara baada ya kucheza na timu ya Arusha Old Stars na baada ya kurejea jijini TASWA FC itajitupa uwanjani kucheza mpambano mmoja kati yake na timu ya Serengeti Breweries (Serengeti Fc), kulia katika picha ni Mwenyekiti wa TASWA FC Majuto Omary.

Mwenyekiti wa TASWA FC Majuto Omary akipokea Vifaa vya michezo kutoka kwa Ted Mapunda Meneja Uhusiano wa kampuni ya Serengeti Breweries (SBL) vilivyotolewa na kampuni hiyo leo asubuhi kiwandani hapo, vifaa hivyo ni pamoja na Jezi Soksi na Mipira miwili, Timu ya waandishi wa habari TASWA FC inashiriki mashindano mbalimbali ili waandishi wa habari kujiweka fiti kwa afya zao lakini pia kujua sheria mbalimbali za mpira wa miguu.