GIRRAFE OCEAN VIEW HOTEL YADHAMINI MISS VYUO VIKUU!!

Hoteli ya kitalii ya Girrafe Ocean View iliyoko ufukweni mwa bahari ya hindi maeneo ya Mbezi Beach imeingia katika kudhamini shindano la Miss Vyuo vikuu linalotarajiwa kufanyika mwezi ujao, Hoteli hiyo imetoa Malazi na chakula kwa muda wa wiki moja kwa warembo 15 wanaoshiriki shindano hilo wakati watakapopiga kambi ya wiki moja kabla ya shindano julai 3 mwaka huu kwenye ukumbi wa Karimjee jijini Dar es alaam.

Warembo watakuwa wakifanya wakilala na kufanya mazoezi hotelini hapo huku usafiri ukitolewa na wadhamini wengine Aurora Security kwa muda wote watakapokuwa kambini kwa ajili ya kujiandaa na kinyang'anyiro hicho kinachotarajiwa kuwa kikali kutokana na viwango vya warembo kutoka vyuo mbalimbali nchini wanaoshiriki shindano hilo mwaka huu linaloandaliwa na Manka Mushi Promotion

Kanda ya Vyuo vikuu mwaka jana ilitoa mshindi wa tatu kwenye shindano la Miss Tanzania Hivyo Manka Mushi Promotion imejiandaa kuhakikisha heshima hiyo inaongezeka kwa kutoa Miss Vodacom Tanzania Mwaka huu na hilo linawezekana kutokana na kazi kubwa ya kutafuta warembo wenye viwango iliyofanywa na mkurugenzi Manka Mushi

Warembo kutoka vyuo 8 ambavyo ni UD, TSJ, IFM,SOCIAL WORK, CBE na JK Kigamboni. ni veronica Mick, Ester Gao, Francisca Mansilo, Magreth Beatus, Mary Thomas, Subira Wahure, Doris Deonatus, Selestine Will Elimina majina ya warembo wengine yatatajwa baadae kwani wanaendelea kumalizia mitihani yao kwa muda mfupi uliobaki.

Mazoezi yalianza Juni 15 katika ukumbi wa Billcanas. Warembo wako chini ya mwalimu wao Miss Tanzania namba 3, ambaye pia alikua Miss Higherlearning mwaka jana, Pendo Laizer Bendi maarufu ya African Stars Twanga Pepeta itaporomosha burudani la kukata na shoka siku hiyo kwa mtindo wao wa kusugua kisigino,

Onyesho hilo linadhaminiwa na makampuni ya
Vodacom,TDL – Overmeer, Ben Expedition Tours, Air Tanzania, Ndege Insurance Co, Tesco Furniture, Clouds FM kupitia leo tena, Perfect Solutions, Global Publishers, Billcanas, Rozella Saloon, Fullshanwe.blogspot.com, City Stars Boutique, Dollwood,Varley Spring, Hattman Production, Zizzou Fashion,Aurora Security na kampuni ya kubuni mavazi ya Carpuany Design