WAZIRI WA JINSIA AWAPONGEZA WANAWAKE WALIOSHINDA BUSANDA NA MAGOGONI ZANZIBAR!!

Waziri wa Maendeleo ya Jamii Jinsia na Watoto Mh. Magreth Sita akizungumza na waandishi wa habari katika ukumbi wa Idara ya habari Maelezo wakati alipotoa pongezi leo kwa wabunge wawili wanawake wa CCM walioshinda katika majimbo ya uchaguzi ya Busanda mkoani Shinyanga Frolensia Bukwimba na Magogoni Zanzibar Asha Muhamed Hillar.

Amesema ushindi wa wabunge hao unawapa faraja wanawake wote na kuonyesha kuwa sasa jamii inaanza kuwakubali wanawake na mchango wao kwa taifa letu, hivyo akawataka wanawake wote kuwa kitu kimoja na kujituma zaidi katika kazi ili waweze kuaminiwa kama wabunge hawa wawili walioshinda katika majimbo ya uchaguzi ya Busanda Tanzania Bara na Magogoni Zanzibar.