MKUBWA FELLA AJA NA DAWA YA 2009, YAANZA KUPIGWA REDIONI!!

Mkubwa Fella akiwakilisha

Kundi la muziki wa kizazi kipya la TMK WANAUME FAMILY hatimaye limemtoa Meneja wao anayejulikan kwa jina la Mkubwa Fella, Meneja huyo ameamua kutoka na Albam yake inayokwenda kwa jina la (2009) Fella ameamua kusema kutokana na yanayoongelewa juu yake mara wasanii wakundi hilo wanapoamua kujitenga kwani wamekuwa wakiongea mambo mengi ya kumshutumu pasipokukumbuka au kuongelea hata zuri moja ambalo kiongozi wao huyo amewafanyia.

Mkubwa Fella anasema mimi nimewafanyia mengi hawa watoto wanaoondoka kundini na kunishutumu lakini hata hivyo nimeona kuwa hawa wasanii hawatanikumbuka kwa lolote hivyo nikaona nitoe nyimbo yangu ambayo itaifanya jamii inikumbuke daima kutokana na nyimbo hiyo ambayo nimezungumza mengi na natumaini mashabiki wa muziki wa bongofleva watanisikia.

Fella amesema nyimbo hiyo imerekodiwa na mtayarishaji maarufu hapa nchini ambaye ni Henrco wa Soundcrafters Record kule (Kiumeni) yaani Temeke, anasema katika nyimbo hiyo amemshirikisha msanii wa siku nyingi kutoka kundi la Big Dog Pose (BDP)Drez Chief ambaye anamuelezea kuwa amekamua vilivyo katika nyimbo hiyo.

Anaongeza kuwa nyimbo hiyo tayari imeshasambazwa katika vituo vyote vya Redio hapa nchini na baadhi ya vituo vilitarajiwa kuanza kuirusha hewani leo hivyo mashabiki wa muziki huu wakae mkao wa kuusikiliza ujumbe wangu kwao na hao watoto wanaosema eti mimi nimewanyonya sana.

Amemaliza kuwa Video ya nyimbo hiyo nayo iko tayari na imetengenezwa na Isangi Production hivyo katika muda mfupi ujao nayo itaanza kusambazwa katika vituo Vya Televisheni tayari kwa kuicheza, FULLSHANGWE tunakukaribisha kwenye gemu mkubwa Fella kama ilivyozoeleka kukuita hivyo ila Gemu ni tafu inabidi kukomaa kwelikweli.

Kundi la TMK WANAUME FAMILY lilimeguka mwaka jana na kuzaa kundi linaloitwa TMK WANAUME HALISI linaoongozwa na Mkali Juma Nature na hatimaye mwaka huu tena wasanii watatu Jebi, Y. Dash, na Y.P wamejitoa na kutangaza kuunda kundi lao linaloitwa TMK UNITY hata hivyo TMK WANAUME FAMILY liliobakia na vichwa vitatu Mh. Temba, KR Mulla na Chege linaonekana bado liko imarapengine ni kutokana na wasanii waliobaki kuonekana wenye uwezo mkubwa katika kundi hilo ukiacha Msanii Juma Nature ambaye ameonyesha bado ana uwezo binafsi kama yeye na si kama kundi la TMK WANAUME HALISI.