FILAMU YA UPANDE WA PILI WA NDOA YAZINDULIWA!!

Nora mmoja wa washiriki waliocheza Filamu hiyo.

Kampuni ya kutengeneza filamu nchini, BEKNET Jumamosi (jana), imezindua filamu inayokwenda kwa jina la upande wa pili yenye mvuto zaidi kwa wapenzi wa tasnia hiyo Akizungumza na wadau mbalimbali waliohudhuria uzinduzi huo katika Ukumbi wa Century Cinema, Mliman City jijini Dar es Salaam, ‘Mc’ wa shughuli hiyo, Ephraim Kibonde, alisema kuwa, ni filamu iliyojaa kila aina ya mafunzo na burudani. “Ni hatua nyingine katika sekta ya filamu kwani imejaa mafunzo na burudani ambapo mpenzi wa filamu atatamani kuitazama mara kwa mara bila kuchoka,” alisema Kibonde. Alisema kuwa, kutokana na upigaji picha mahiri, unaoifanya filamu hiyo kuonekana ya kimataifa zaidi kuliko nyingine zinazotengenezwa hapa nchini. Alimalizia kwa kusema kuwa, baada ya uzinduzi huo, filamu hiyo itakuwa inapatikana katika kila kona hapa nchini, na kuongeza kuwa, wapenzi wa filamu wasikubali kuikosa.