JOE THOMAS ASHINDWA KUTOKEA KWENYE PATY, NAO BOYZ 2 MEN WAYEYUKA!!

Frola Mushi kushoto na Messe Galabawa nao wakatoa ya kwao ambayo wanaamini kuwa ndiyo ilikuwa pozi kali zaidi siku hiyo jamani angalieni wenyewe habari zaidi shuka chini.

Stalili ya nyele za dada Upendo mwalongo iliniacha hoi

Latoya kushoto Fide katikati na Aunt hawakuwa nyuma kutoa staili za kupoozi mbele ya camera.

Rehenma kushoto Upendo kati nao walipata nafasi ya kupoozi mbele ya Camera ya FULLSHANGWE.

Dada Anna Rupia kushoto Madam Litah Paulsen katikati na Jokate Mwegelo nao walikuwepo katika hafla hiyo.

Vimwana mbalimbali wakiondoka mara baada ya Joe Thomas kutohudhuria katika Hafla ya kumkaribisha iliyokuwa ifanyike Maisha Pub jana.

Habari zilizoifikia Tovuti ya FULLSHANGWE leo jioni na kutangazwa pia na vituo mbalimbali vya Radio zinasema wale wanamuziki maarufu Boyz 2 men kutoka Marekani waliokuwa watumbuize leo katika Viwanja Vya Leaders jijini Pamoja na mkali wa muziki mwingine kutoka nchini humo Joe Thomas hawatakuja tena kwakuwa mmoja wa wanamuziki hao anaumwa.

Habari kutoka kwa mmoja wa waratibu wa ziara hiyo ambaye hakutaka kutajwa jina alisema Boyz 2 Men hawatakuja kwakuwa mmoja wao anaumwa lakini onyesho litafanyika kama lilivyopangwa ambapo sasa Joe Thomas atashirikiana na wanamuziki wawili kutoka Jamaica Tante Metro na Devonte Whos'.

Boyz 2 Men wanajulikana kwa shughuli yao pevu jukwaani na mashabiki wengi walilipania sana onyesho hilo lakini, pia mashabiki wengi waliokuwa hawaamini habari hizo walipata uhakika wa kutowasili kwa wanamuziki hao baada ya vituo vya Radio karibu vyote kutangaza kuwa wanamuiziki hao hawatakuja tena nchini.

wakati huohuo mwanamuziki Joe Thomas aliyeyuka na kutotokea katika hafla iliyokuwa imeandaliwa kwa ajili ya kukutana na wageni waalikwa mbalimbali katika klabu ya usiku (Maisha Pub) Oysterbay jana usiku ambapo waalikwa mbalimbali wakiwemo vimwana walijimwaga ili angalau kupata picha na kuonana kwa karibu na mwanamuziki Joe Thomas.

Hafla ilikuwa ianze saa tatu kamili lakini mpaka saa tano na nusu hakuna mwanamuziki aliyekuwa amefika wala waratibu wa ziara hiyo ilipofika saa sita kasoro robo ndipo wanamuziki Tante Metro na Devonte Whos' walipoingia ukumbini hapo hata hivyo waalikwa karibu wengi walikuwa wameshaanza kuondoka kuelekea viwanja vingine huku wakilalamikia kitendo hicho.