Camara afanya mazungumzo ya dharura!!

Rais wa Burkina Faso amefanya mkutano wa dharura na kiongozi wa kijeshi wa Guinea aliyejeruhiwa Kapteni Moussa Dadis Camara na naibu wake Sekouba Konate.
Mazungumzo hayo yaliyofanywa kwa siri yalihusu khatima ya Kapteni Camara kufuatia kushindwa kwa jaribio la kumwuua mwezi uliopita.

Aliwasili Burkina Faso siku ya Jumanne akitokea Morocco, alipokuwa akipata matibabu ya jeraha alilolipata kutokana na kupigwa risasi.

Upinzani umesema unataka Kapteni Camara asijihusishe kwenye siasa kwa muda.

Jenerali Konate, ambaye amekuwa akishikilia madaraka kwa kipindi cha wiki sita tangu Kapteni Camara akipata matibabu huko Rabat, ameshaanza mazungumzo na upinzani.
www.bbcswahili.com