Waziri Mkuu Mizengo Pinda ameiomba Serikali ya China kusaidia Sekta ya kilimo!!

Waziri Mkuu Mh. Mizengo Pinda.

Benjamin Sawe
Maelezo Dar es Salaam
Waziri Mkuu Mizengo Pinda ameiomba Serikali ya China kuendelea kuwa na ushirikiano na Tanzania katika sekta mbalimbali ikiwa ni pamoja na sekta ya kilimo.
Akiongea na Waziri wa Biashara na Masoko wa China bwana Chen Deming Waziri Pinda alisema sekta ya kilimo nchini imekuwa haifanyi vizuri kwa miaka mingi licha ya kuwa asilimia kubwa ya Watanzania kutegemea kilimo.
Licha ya kuwekeza kwenye kilimo Waziri Pinda aliwaomba kulifufua Shirika la Tazara kwani reli hiyo kwa miaka ya nyuma imekuwa ikichangia kwa kiasi kikuba katika uchumi wa Taifa.
Aidha Waziri Pinda alisema reli ya Tazara imekuwa tegemeo kubwa la nchi za jirani kwani imekuwa ikisafirisha mizigo mbalimbali hivyo kuliingizia pato taifa.
Nae Waziri wa Viwanda na Masoko wa China Waziri Chen Deming alisema Serikali ya China itaendelea kushirikiana na Serikali ya Tanzania katika sekta mbalimbali ili kudumisha ushirikiano.
Waziri Deming alisema China itatuma wataalamu mbalimbali ikiwa ni pamoja na wakandarasi wa reli ili kuangalia uwezekano wa kuifanyia ukarabati njia ya reli ya Tazara.
Serikali ya Tanzania na China zimekuwa zikishirikiana kwa muda mrefu katika sekta mbalimbali ikiwa ni pamoja na kilimo,ujenzi wa uwanja wa Taifa wa Michezo,elimu na ujenzi wa shirika la Tazara.