SHUGHULI ZA UOKOAJI ZAENDELEA HAITI

Kwa siku ya pili mfululizo maelfu ya watu wamelala nje bila makao kufuatia tetemeko kubwa la ardhi lililotokea nchini Haiti.
Katika mji mkuu wa Port-au-Prince, wakaazi wanaendelea kuchimba vifusi ili kutafuta manusura na kufukua miili ya watu waliokufa. Miili iliyopatikana inawekwa barabarani huku ikiwa imefunikwa na mabati.
Kufikia sasa idadi kamili ya watu walioangamia bado haijulikani lakini rais wa Haiti, Rene Preval, amesema anaohofia ni maelfu ya watu.
Miongoni mwa waliouwawa ni askofu wa kanisa la Katoliki mjini humo, Joseph Serge Miot. Hospitali na mashirika ya kutoa misaada yanakabiliwa na changamoto kutokana na idadi kubwa ya majeruhi wanaohitaji matibabu.

www.bbcswahili.com