JESHI LA POLISI KUTOA MILIONI 5 KWA ATAKAYEFANIKISHA KUKAMATWA KWA MAJAMBAZI UPORAJI WA NMB TEMEKE!!

Kamanda Kamishna Msaidizi wa Jeshi la polisi nchini ACP Abdallah Msika ametangaza kuwa Jeshi la polisi litatoa kitita cha shilingi Milioni 5.000.000 kwa kundi au mtu yeyote atakayefanikisha taarifa au kukamatwa kwa majambazi yaliyovamia katika Benki ya NMB Tawi la Temeke na kupora kiasi cha shilingi Milioni 150 na kuua mtu mmoja huku yakijeruhi watu wengine 13.

ACP Abdallah Msika amezungumza hayo wakati alipoongea na wanahabari leo kwenye makao makuu ya jeshi la polisi yaliyopo katika Wizara ya Mambo ya ndani ya nchi wakati akizungumzia mkakati wa jeshi hilo katika kupambana na uhalifu nchini.