MISS TANGA KUCHUANA JUNI 6 UWANJA WA MKWAKWANI!!

Mwandaaji wa shindano la Miss Tanga 2009 Asmah Makau akizungumza katika mkutano na waandishi wa habari kwenye ukumbi wa Idara ya habari maelezo leo, Asmah amesema shindano hilo linatarajiwa kufanyika juni 6 kwenye uwanja wa Mkwakwani mkoani Tanga, ambapo jumla ya warembo 20 wanatarajiwa kupanda jukwaani, mpaka sasa warembo hao wako kambini wakijifua chini ya mwalimu wao Victoria Patrick ambaye alikuwa Miss Tanga 2007 na balozi wa Redds na Oliver mango aliyekuwa Miss Tanga 2008.

Amesema katika shindano hilo burudani zitaletwa na wasanii wakali kama Chid Benz, Matonya, Wakali Kwanza na wengine wengi, wakati huohuo ameongeza kuwa shindano hilo pia litasindikizwa na wasanii wakubwa afrika Mashariki kwani kwa hivi sasa kampuni yao iko kwenye mazungumzo na baadhi ya wasanii wa nchi za kenya na uganda, na mara mambo yatakapokuwa yamekaa sawa watakuwa tayari kutangazia umma.