WAWILI WAJINYAKULIA TOYOTA COROLA KILA MMOJA KUTOKA ZAIN!!

Meneja Uhusiano wa Kampuni ya simu za mikononi Zain Muganyizi Mutta akizungumza na waandishi wa habari mara baada ya kuchezesha bahati nasibu ya Jivunie SMS kutoka Zain na kuwapata washindi wawili wa magari mawili aina ya Toyota Corola yenye thamani ya shilingi milioni 26 kila moja.



Washindi hao ni Bw Juma Seif Hussein mkazi wa Tabata Lelini ambaye kazi yake ni Dereva na mshindi wa pili wa Corola ni Bw. Albert Mwasibata mkazi wa Tukuyu Mbeya ambaye ni mfanyabiashara ndogondogo za mazao.



Katika shindano hilo la Jivunie SMS pia wamepatikana washindi wa Bajaji ambao ni Leo Mathias Maziku kutoka Kahama Mkoani Shinyanga ambaye alikuwa mtumishi wa Harmashauli ya Wilaya ya Kahama kama mwalimu ambaye kwa sasa amestaafu kazi hiyo, na Felix Lucas Mroso mkazi wa Babati Manyara ambaye anafanya biashara ya nguao aina ya mitumba na mpya.



Na mshindi wa mwisho katika bahati nasibu hiyo leo alikuwa George Mzeru kutoka Mafinga Iringa ambaye ni mfanyakazi wa kampuni ya Chai Bora wilayani humo, aliyejishindia Baiskeli kutoka Zain, wengine aliopo katika picha kutoka kuliani Maggid Bakari Afisa kutoka Bodi ya michezo ya Kubahatisha na katikati ni Ally Laseko Mtaalam wa Data Zain.