AKIL THE BRAIN A.K.A "REGINA" KUTOKA KIMATAIFA ZAIDI!

Akil The Brain katika pozi.

Msanii wa siku nyingi katika muziki wa kizazi kipya yaani Bongofleva anayejulikana kama Akil The Brain tayari yuko mbioni kutoa Albam yake ya pili itakayokuwa nyimbo za kiingereza tu ambyo ansema kwamba albam hiyo imelenga soko la nje zaidi tofauti na albam ya kwanza aliyotamba nayo sana ikiitwa (Regina).

Akil The Brain ameyasema hayo wakati akiongea na kamanda wa FULLSHANGWE katikati ya jiji la Dar es salaam ambapo amesema karibu nyimbo zote ziko tayari kwa ajili ya albam hiyo hivyo kilichobaki ni kukamilisha vitu vidogovidogo vilivyobaki ili ianze kutangazwa.

Amesema analenga soko lake zaidi nchini Uingereza ambako tayari kwa kuanzia ameshapata nafasi ya kufanya mahojiano na moja ya vituo vikubwa vya televisheni vya nchini humo ambacho kinajulikana kama MA TV na anatarajia kuafanya mahojiano hayo wakati wowote mwaka huu, ameongeza kwamba vituo vingine vya televisheni atakavyofanya navyo mahoniano ni ZEE CHANEL katika kipindi chake cha View Asia ambacho kinaonyesha wasanii mbalimbali chipukizi kutoka mataifa mbalimbali.

Akizungumzia nyimbo zilizomo katika Albami hiyo amesema ziko nyingi lakini akazitaja nyimbo kadhaa kama vile Whay, I am Alone, Suzana,Dont Daught my love, I am Moving, Your Mine,Pain is Healing na nyingine nyingi.

Akil The Brain anasema Albam yake ya kwanza imemtambulisha na kufanya afahamike katika nchi mbalimbali Duniani na anapata mialiko mingi sana hasa katika nchi za Asia na Ulaya na kwa sasa ameamua kuanzisha bendi ambayo inaundwa na wanamuziki watano ikiongozwa na yeye mwenyewe.

Amewataja wanamuziki wenzie katika bendi hiyo kuwa niyeye mwenyewe Akil, Big Jah Man,Zahil,Salim na Phantom bendi hiyo inafanya maonyesho katika Hoteli mbalimbali za kitalii jijini Dar es salaam na kufanya maonyesho katika maeneo mialiko mbalimbali na ukitaka kuwapata namba zao ni

0764777333/0754269218