FAINALI ZA RAFDA KUFANYIKA IJUMAA OKTOBA 24 JIJINI!!

George Kavishe Meneja wa kinywaji Cha Redds akizungumza na waandishi wa habari kwenye Hotel ya Kilimanjaro Kempiski juu ya shindano la ubunifu wa mavazi litakalofanyika ijumaa oktoba 24 2008 katika Hotel hiyo ambapo mshindi atakayepatikana kwenye shindano hilo ataiwakilisha nchi kwenye shindano la ubunifu la Afrika RAFDA litakalofanyika nchini Botswana kwa habari zaidi shuka chini

George Kavishe akisisitiza jambo alipoongea na wanahabari juu ya onyesho hilo la mavazi

Meneja wa bia ya Redds Bw. George Kavishe na Mbunifu wa Mavazi Asia Idarous katika mkutano na wandishi wa habari

Kutoka kulia ni mamaa Asia Idarous Mbunifu wa mavazi katikati Irene Kiwia kutoka Beautfull Tanzania Agency na Mrs Amos kutoka kampuni hiyo wakiwa katika picha ya pamoja mara baada ya mkutano na waandishi wa habari kwenye Hotel ya Kilimanjaro Kempiski

Shindano la aina yake la ubunifu linalodhaminiwa na Bia ya Reds linatarajiwa kufanyika katika Hotel ya Kilimanjaro Kempiski jijini ijumaa Oktoba 24 2008 ambapo shindano hilo ndiyo kitakuwa kilele Cha kutafuta mwakilishi wa Tanzania katika mashindano makubwa kabisa Afrika ya ubunifu yatakayofanyika nchini Botswana.

akizungumza na waandishi wa habari meneja wa kinywaji cha Redd's George Kavishe amesema shindano hilo litajumuisha washiriki kutoka mikoa mbalimbali ili kutoa changamoto miongoni mwa wabunifu ili tupate mwakilishi bora katika ubunifu.

Katika shindano hilo burudani zitatolewa na mwanamuziki Banana Zoro na Bendi yake ya B. Band kwani tuna imani atatoa burudani murua kwa kuwa ana vibao vingi vikali kama vile "Nzela" ambacho kimekuwa kikitesa karibu nchi nzima kwa ubora wake.

Ameongeza kuwa pia kutafanyika Onyesho la mitindo litakalojumuisha wabunifu kama Farouk Abdela kutoka Zanzibar, atakayeonyesha mavazi yaliyopata jina la "Under the Veil" Masoud Kipanya, Monika kutoka Morogoro na Criss Designs wa Mwanza ambapo pia mlimbwende wa kimasai Neshno aliyeshiriki shindano la Face of Tanzania anayesoma na kufanya kazi wilayani karatu kwa sasa atashirika katika onyesho hilo, huku mmoja wa majaji akiwa Nsonwabile Ndamase toka Afrika kusini aliyejipatia umaarufu kwa kubuni shati maarufu la maua linalopendelewa kuvaliwa na mzee madiba (Nelson Mandela).

Mshindi wa Shindano hilo katika ubunifu ataiwakilisha nchi katika shindano la RAFDA la Afrika litakalofanyika Botswana, na tikaeti kwa ajili ya Fainali hizo zinazuzwa sh. 20.000 zinapatikana kwenye ofisi za Beautfull Tanzania Agency, Hugo House, Renzo Saloon mikocheni, Aqua Video Riblary, duka la Vitabu la Novel Idea, Shoppers Plaza, Mlimani City, Slipway Sea Cliefvillage, Steers na Samora Evenue.